Кабул. 15 мамыр, Бір тәулік ішінде Ауғанстан билігінің жасағы ел аумағында бекінген 73 содырды жер жастандырды.

Елдің Ішкі істер министрлігінің мәліметтеріне қарағанда, лаңкестерге қарсы арнайы операция Гильменд, Кандагар, Кұндыз секілді 9 провинцияда жүргізілген. Қаза тапқандардың арасында «Талибан» қозғалысының (Қазақстан аумағында тыйым салынған) алғашқы дала командирлерінің бірі бар.

Айта кетейік, соңғы уақытта содырлар Ауғанстанның шығысы мен оңтүстігіндегі ықпалын күшейте бастаған. Оған қоса жергілікті дала командирлерінің арасында «Ирак пен Левант лаңкестік ұйымының» (Қазақстан аумағында тыйым салынған) содырларына адал болуға ант беріп, қосылып жатқандар да көбейе бастаған.

Дереккөз: Хабар 24 телеарнасы