Манчестер. 24 мамыр. Манчестердегі жарылысты 22 жастағы Салман Абеди жасаған. Полиция өкілдерінің мәлімдеуінше, лаңкестің аты-жөні оның өзінен табылған төлқұжат бойынша анықталды.

Салман Абеди Манчестер қаласында ливиялық мигранттардың отбасында дүниеге келген. Екі бауыры мен қарындасы бар.

Еске сала кетейік, 22 мамыр күні Манчестер қаласындағы стадионда жарылыс болды. Оқыс оқиға кезінде америкалық әйгілі әнші Ариана Гранденің концерті өтіп жатқан. Соңғы ақпарат бойынша, құрбандар саны 22 адамға жеткен. Құрбан болғандар арасында балалар да бар. Тағы жүзден астам адам жарақат алған.

Дереккөз: Хабар 24 телеарнасы