Джакарта. 25 мамыр. Индонезия астанасы Джакартада екі жарылыс болып, 3 адам қаза тапты.Тағы 10 кісі жараланған.

Полицияның мәлімдеуінше, оқиға шаһардың шығысындағы автобус аялдамасы мен мотоциклдер тұрағында болған. Алдымен жарылыс аялдамада, одан кейін 5-10 минут өткеннен соң тұрақта жасалған. Тәртіп сақшыларының айтуынша, қаскөйлікті ұйымдастырған жанкешті де қаза тапқан. Әзірге шабуылды ешбір лаңкестік топ мойнына алған жоқ. Оқиғаға қатысты тергеу жүріп жатыр.

Дереккөз: Хабар 24 телеарнасы