Мельбурн. 7 маусым. Австралия премьер-министрі Малкольм Тернбулл Мельбурндағы қызды кепілдікке алу оқиғасын лаңкестік әрекет деп айыптады.

Айта кетейік, онда сомалилік Якуб Хаир есімді босқын жергілікті әйелді кепілдікке ұстап отырған. Оған дейін ол бір адамды мерт қылған еді. Оқиға орнына келген полиция қаскөйдің көзін жойды. Шабуыл барысында үш тәртіп сақшысы қатты жараланды. Кепілдегі адам жапа шеккен жоқ. Содырлардың Amaq атты ақпарат көзі бұл оқиғаны «Ирак пен Левант лаңкестік ұйымына» қатысы бар деп жазды.

Грэм Эштон, Виктория штатының полиция комиссары:

– Бұл оқиғаны «Ирак пен Левант лаңкестік ұйымы» жасағанын мәлімдеді. Соңғы уақытта мұндай жағдайлар жиі қайталанады. Алайда шабуылшы «Әл-Каиданың» да қатысы бар екенін айтады. Сондықтан біз мұны лаңкестік әрекет деп қарастырамыз.

Дереккөз: Хабар 24