Маңғыстау. 13 ақпан. Маңғыстау облысы дін істері басқармасына қарасты «Дін мәселелері бойынша ақпараттық-талдау орталығы» мамандары Ақтаудағы №3502 әскери бөлімінде арнайы кездесу ұйымдастырып, мемлекеттің дін саласына қатысты ұстанған саясаты, діни ағымдардың алдын алу, деструктивті ағымдарға қатысты қолданылатын жауапкершілік шаралары туралы баян етті. Бұл туралы Маңғыстау облысы Дін істері басқармасының баспасөз қызметі хабарлады.

Сұхбатқа қатысқан теолог-мамандар «радикализм», «терроризм», «уаха­бизм», «салафизм» сияқты өзекті мәсе­ле­лерге тереңдетілген жауаптар берді.

Дін саласын­дағы мемлекеттік саясат, заңдар, діни бірлестіктердің қызметі, діни білім алу, жасөспірімдерді қорғау мен сенім орталықтарының қызметі баяндалды.