ШЫМКЕНТ, 17 қыркүйек. «Канал-Қызыл Бархан» кең ауқымды халықаралық арнайы операция барысында 9 тоннадан астам есірткі тәркіленді. Шымкенттегі арнайы операцияның нәтижелері туралы Tengrinews.kz хабарлады.

Иран мен Қытайдың, Ұжымдық қауіпсіздік туралы шарт ұйымынын мүшелерінің құқық қорғау органдарының басшылары Шымкентте жиналды. «Канал-Қызыл Бархан» оқу-жаттығулары аясында өткізілген арнайы операцияларды талқылады. Ол бір мезгілде Қазақстан, Армения, Беларусь, Қырғызстан, Тәжікстан, Түркменстан және Ресей аумағында өтті. Әртүрлі елдердің 22 мың қызметкері бір апта ішінде есірткі контрабандасының бірнеше өткізу арналарын тоқтатты, заңсыз қару мен оқ-дәрілерді тәркіледі.

«9 тоннадан астам есірткі заңсыз айналымнан алынған. Олардың ішінде 5 тоннадан астамы — ауғаннан шыққан опиаттар. 800-ден астам килограмм гашиш, 38 — героин, 830 килограмм марихуана, 2 тоннадан астам синтетикалық есірткі. 115 бірлік атыс қаруы және шамамен 2500 оқ-дәрі тәркіленді. Арнайы операция шеңберінде Қызылорда және Жамбыл облыстарының аумағында Үнді қарасора және жабайы есірткі плантациялары анықталды, — есірткі тасымалын бақылау және есірткіге қарсы күрес Департаментнің бастығы Арыстанғани Заппаров баяндады.

Мұндай арнайы операциялар жылына екі рет ҰҚШҰ-ға мүше елдерде өткізіледі. Жоғары полицияның айтуынша, бұл бірлескен іс-қимылдар жасау мүмкіндігін туғызады.

«Егер біз айналымнан алынған есірткі туралы айтатын болсақ, онда біз миллиондаған доллар туралы айтып отырмыз. Осы есірткілер елдердің нарықтарына жеткізілетін болған жағдайда болатын экономикалық шығындарды да есептейміз. Менің ойымша, біздің іс-әрекеттеріміз есірткі бизнесін белгілі бір ақша сомасынан айырды деп айтуға болады. Есірткінің сатуы мен айналымымен байланысты қылмыс, тек жеткізумен шектелмейді. Бұл — ақшаны жылыстату, қылмыстық жолмен табылған ақшамен қаржыландыру, басқа да қылмыстық іс-шараларды қаржыландыру, соның ішінде терроризм мен экстремизмді қаржыландыру және қару мен оқ-дәріні заңсыз айналымнан шығару туралы айтамыз », — деді Ішкі істер министрінің орынбасары Рашид Жақыпов.

Кездесуге қатысушылардың айтуынша, есірткі Ауғанстаннан басқа елдерге жеткізілетін «солтүстік бағдар» жуырда жандандырылды. Синтетикалық есірткілерді өндірушілер де ҰҚШҰ-ға мүше елдердің құқық қорғау органдарына қарсы шығады.

«Өкінішке орай, есірткі өнеркәсіптік негізде өндірілетін аймақтар бар және біз триллион АҚШ доллары мөлшерінде жұмыс істейтін есірткі сауда жүйесі туралы айта аламыз. Біздің елдерімізде табиғи текті есірткілер синтетикалық препараттарға, психотроптық препараттарға, жанама әсерлері бар есірткінің жаңа түрлеріне алмасып жатқаны бар. Бұл жерде біздің елдеріміз арасында келісілген ұстаным қажет. Біз синтетикалық препараттардың кейбір түрлері бүгінгі күні анықталмауын түсінуіміз керек », — деді РФ Ішкі істер министрінің орынбасары Игорь Зубов.

Жиналысқа қатысушылар синтетикалық препараттардан төнетін қауіп-қатерлерге әлі дайын емес екенін мойындайды. Диагностика үшін жаңа медициналық жабдықтар қажет. Арнайы операция кезіндегі табысты әрекеттер мен қателіктерді одан әрі талқылау жабық есік режимінде өткізілді.