ҚАРАҒАНДЫ, 07 қаңтар. Қарағандыда синтетикалық есірткіні жарнамалаған бірнеше адам қолға түсті.Олар өздері тұратын үй сыртына, аулаға есірткі сататын сайттардың атауын жазып отырған, деп хабарлайды Хабар 24.
Тек соңғы екі ай ішінде полиция қызметкерлері еріктілермен бірлесіп, Қарағанды мен Теміртау қаласында осындай 700-ге жуық «заңсыз жарнаманы» өшірген. Қазір есірткі тасымалына қатысты 8 қылмыстық іс қозғалды.
«Құқықбұзушылықтың осы түрі үшін ҚР Әкімшілік құқық бұзу туралы кодексінің 505-бабы бойынша 30 айлық есептік көрсеткіш мөлшерінде айыппұл салынады және ұсталған тәртіп бұзушылар арнайы есепке тұрғызылады»,- деді облыстық полиция департаменті басқармасы басшысының орынбасары Ислам Мусин.
