АСТАНА, 16 қаңтар. Сейсенбі күні теракт болған Кенияның астанасы Найробиде қайтадан Dusit қонақ үйінде жарылыстар мен атыс дыбыстары естіледі, деп жергілікті NTV телеарнасына сілтеме жасап РИА Новости хабарлайды.

Телеарнаның хабарлауынша, полиция қонақ үй ғимаратынан тағы бірнеше адамды алып шықты.

Сейсенбі күні Найробидегі Dusit қонақ үйінде жарылыс болды. Құқық қорғау органдары бұл шабуылды террористік шабуыл ретінде қарастырады. Соңғы деректер бойынша 15 адам қаза болды, шамамен 30 адам жарақат алды. Бұл шабуылға жауапкершілікті, көбінесе Сомалиде әрекет жасайтын исламшыл радикалды «Аш-Шабаб» террористтік топ өзіне алды.Хабарланғандай, ғимаратта әлі ондаған адам бар, эвакуация жалғасуда.

Жәбірленушілердің тұлғалары құжаттарына сәйкес анықталып жатыр, жәбірленушілер арасында британдық азамат және АҚШ азаматы болды. Қалған он бірі Кения азаматтары, екі адамның жеке куәлігі болған жоқ.

Бұдан бұрын НТВ телеарнаның хабарлауынша, Кенияның Найроби қаласында орналасқан қонақ үйдің жанындағы террорлық шабуылға күдікті деген ұлты белгісіз азамат тұтқындалды.