АСТАНА, 23 қаңтар. Йемен астанасы Санада, қару-жарақ пен зымырандар қоймаларында екі жарылыс болды, деп Al Arabiya телеарнасына сілтеме жасап РИА Новости хабарлайды.
Телеарнаның хабарлауынша, жарылыстардың бірі елорданың оңтүстігіндегі қоймаға бағытталған операциялар шеңберінде жүзеге асырылды. Екінші жарылыс қаланың оңтүстігіндегі басқа аудандағы зымырандар мен қару-жарақ қоймаларында, Yemen Petroleum Company компаниясының ғимаратының қарама-қарсысында орын алды.
Йемендегі үкімет пен шииттік «Ансар-Алла» қозғалысының хусит-бүлікшілері арасындағы әскери-саяси қақтығыс 2014 жылдан бері жалғасуда. 2015 жылдың наурызынан үкімет тарапынан Сауд Арабиясы бастаған әскери араб коалициясы болды.
2018 жылғы желтоқсанда Йемендегі жанжалдың тараптары бірнеше жыл ішінде алғаш рет Швецияда Біріккен Ұлттар Ұйымының қамқорлығымен ұйымдастырылған келіссөздерде кездесті. Олар бірнеше маңызды келісімдерге қол жеткізді, атап айтқанда, тұтқындармен алмасу, Қызыл теңіздегі Ходейдада порт қаласындағы атысты тоқтату және оны БҰҰ бақылауына хуситтерге беру туралы.
