АСТАНА, 6 ақпан. Египеттің әскери соты ел президенті Әбдел Фаттах ас-Сисиге қастандық жасау ісі бойынша сотты бастады, деп KAZISLAM сайты хабарлайды.

Айыпталушылар – сегіз адам. Олардың екеуіне өлім жазасы талап етілуде. Reuters агенттігінің хабарлауынша, сотталушылардың ДАИШ террористік ұйымымен байланысы бар.

Соңғы үкім 6 наурыз күні шығады. Егер өлім жазасы кесілсе, жоғары үкімді елдің Бас мүфтиі бекітеді.