АСТАНА, 07 ақпан. Ресей Федерациясының Федералдық қауіпсіздік қызметі мен Ресей Федерациясының ІІМ бірге Мәскеу аймағында және Дағыстан Республикасы аумағында аймақаралық қылмыстық қоғамдастықтың әрекеті тоқтатылды. Оның қатысушылары РФ Орталық банкінің жоғары сапалы жалған ақша белгілерің дайындап өткізетін.

ФҚҚ баспасөз қызметінің хабарлауынша, ұйымдасқан қылмыстық топтың 30 мүшесі ұсталды.

20-дан астам индустрияландырылған өңірлерде жалған ақша белгілері ірі көлемде өткізілді.

Осы фактілер бойынша Ресей ІІМ тергеу бөлімшелерінің бастамасымен 9 қылмыстық іс қозғалды. Күдіктілерде ақша қаражатын басып шығаратын технологиялық құрал-жабдықтар, банкноттың қауіпсіздік элементтерін жасау құралдары, жалған ақша белгілерінің ірі көлемі табылып, тәркіленді.

Ұйымдасқан қылмыстық қоғамдастықтың ресурстық қолдау қызметі шетелден жүзеге асырылды.

Бұрын, 2018 жылдың қазан айында, Дағыстан Республикасында ұсталғандарға тиесілі жалған ресейлік ақшаны жаппай өндіруге арналған бірқатар астыртын «зертханалардың» қызметі тоқтатылды.

Қауымдастық мүшелерін басқа қылмыстарға, оның ішінде терроризмді қаржыландыруға байланысты бағытталған жедел-іздестіру шаралары мен тергеу әрекеттері жалғасуда.