АСТАНА, 23 ақпан. Қытай Сауд Арабиясымен терроризмге қарсы күрес, құқық қорғау және қауіпсіздік саласында ынтымақтастықты кеңейтуге ниетті. Бұл туралы Қытай Халық Республикасының вице-премьері Хань Чжэн Бейжіңдегі Сауд Арабиясының мирасқор ханзадасы Мұхаммед бен Сальман Аль Саудпен кездесу барысында мәлімдеді. Бұл туралы Синьхуа агенттігіне сілтеме жасап ТАСС хабарлайды.

«Қытай мен Сауд Арабиясы терроризмге, құқық қорғау және қауіпсіздікке қарсы күресте ынтымақтастықты нығайтуға, сондай-ақ дерадикализация саласында тәжірибе алмасуды күшейтуге тиіс», — деді Хань Чжэн. Ол сондай-ақ екі елдің бірлескен жұмысының маңызды жетістіктеріне тоқталып, Сауд Арабиясының «Бір белдеу — бір жол» атты қытай үкіметінің бастамасын жүзеге асыруға қатысуын құптады.

«Сауд Арабиясы ҚХР-мен жан-жақты стратегиялық ынтымақтастыққа үлкен мән беріп, «бір-Қытай» қағидасын ұстана отырып, ҚХР-нің егемендігін, қауіпсіздігі мен тұрақтылығын қорғауға күш-жігерін қолдайды және елдің ішкі істеріне сыртқы күштердің араласуға қарсы тұрады», — өз кезегінде Мухаммед бен Сальман Аль Сауд.

«Біз жалпы мүдделерді қорғау және сақтап қалу үшін Қытаймен келісімді және көп жақты ынтымақтастықты нығайтуға дайынбыз», — деп жалғастырды Тақ мұрагері. «Сауд Арабиясы Қытаймен бірге екі елдің даму стратегияларын одан әрі синергиялауға, екі ел мен олардың халықтарының әл-ауқатын қамтамасыз ету үшін «Бір белдеу — бір жол» бастамасын бірлесіп жүзеге асырудағы ынтымақтастықты тереңдетуге дайын», — деп түйіндеді ол.

Агенттіктің хабарлауынша, тараптар екі ел арасындағы кеме қатынасы, қаржы және саясат секілді бірқатар келісімдерге қол қойды.