АСТАНА, 26 ақпан. Ирактың үкіметі ДАИШ * тарапынан соғысқан 13 француз азаматын сотқа тартады, деп Kurdistan24 сілтеме жасап REGNUM хабарлайды.

Бұл мәлімдемені Ирак президенті Бархам Салех Франция президенті Эммануэль Макронмен кездесуде жасады.

«Олар Ирак азаматтарына қарсы соғысқаны үшін айыпталуда. Біз бұл мәселеде халықаралық құқық нормаларына сәйкес әрекет етеміз», — деді Салех.

Өз кезегінде, Макрон айыпталушының Францияның консулдық көмегін пайдалану құқығына ие екенін атап өтті және олар оны алады.

Естеріңізге сала кетейік, АҚШ президенті Дональд Трамп содырларды өз елінде соттау үшін экстрадициялауға шақырғаннан кейін, террористерді соттау мәселесі жоғары лауазымды саясаткерлермен талқылана бастады.

• Қазақстан Республикасында тыйым салынған ұйым.