АСТАНА, 21 наурыз. Утрехте (Нидерланд) трамвайда оқ жаудырған адам террористік себептерге байланысты әрекет етті. Бұл туралы Нидерландтың мемлекеттік прокуратурасы ресми түрде мәлімдеді, деп немістің n-tv телеарнасына сілтеме жасап REGNUM агенттігі 21 наурызда хабарлайды.

Күдікті, Түркияның тумасы Гёкмен Танис террористік себептермен екі және одан да көп адамды өлтіргені үшін сот төрелігінің алдында жауап береді. Қылмыскер, жалғыз әрекет еткен деп көрінеді, деп мәлімдеді прокуратура.

Бұрын хабарлағанымыздай, 18 наурызда трамвайда болған атыс нәтижесінде үш адам қаза тапты: 19 жасар бойжеткен мен 28 және 49 жастағы екі ер адам. Бес адам жарақат алды, оның ішінде үшеуі өмірге қауіп төндіретін жарақат. Полиция шабуылдаушы мен оның құрбандары таныс емес екеніне көз жеткізгеннен кейін қарым-қатынасты анықтау себеп болмағанын жоққа шығарды.