НҰР-СҰЛТАН, 27 наурыз. 2018 жылы Ресейде 70-ке жуық террорист жойылды, олардың ішінде 10 топ жетекшілері, деп сәрсенбі күні Ресейдің ұлттық терроризмге қарсы комитетінің аппарат бастығының бірінші орынбасары Игорь Кулягин журналисттерге мәлімдеді. Бұл туралы РИА Новости хабарлады.

«Терроризмге қарсы операция кезінде 69 қылмыскер бейтараптандырылды, соның ішінде 10 көшбасшы, 37 жетекші, 227 бандит және 622 көмекшілері ұсталды», — деп ол 2018 жылы Ресейдің қауіпсіздік күштерінің жұмысы туралы әңгімелеп берді.

Сонымен қатар, былтырғы жылы қауіпсіздік қызметі лаңкестердің Жеңіс күніне және президенттік сайлаудағы шабуылдарды ұйымдастыруға арналған жоспарларының жолын кесті.

«Бандиттер құқық қорғау органдарының қызметкерлеріне, қарапайым адамдарға жаппай жиналу орындарында шабуыл жасауды жоспарлады – бұл Ресей Федерациясы президентін сайлау күні сайлау бөлімшелерінде, Жеңіс күніне орай шаралар өткізілетін жерлерде, көлік инфрақұрылымы нысандарында және сауда орталықтарында», — деді Кулягин.