НҰР-СҰЛТАН, 30 наурыз. Сирия мен Иракта жеңіліске ұшырағаннан кейін Ислам мемлекеті Қазақстанның, Өзбекстанның, Тәжікстанның, Қырғызстанның және Арменияның территориясына мүдделерін ауыстыруда, деп жұма күні Ішкі істер министрлігінің экстремизмге қарсы бас басқармасының бастығы Олег Ильиных мәлімдеді. Бұл туралы РИА Новости хабарлады.
Жұма күні ол В.Я. Кикотя атындағы РФ ІІМ Мәскеу университетінде «Экстремизмге және терроризмге қарсы іс-қимылда халықаралық ынтымақтастықтың басым міндеттері» атты II Халықаралық ғылыми-тәжірибелік конференциясының ашылу салтанатында баяндамамен сөз сөйледі.
Ильиньхтің айтуынша, Ресейде тыйым салынған «Ислам мемлекеті» (Қазақстанда тыйым салынған ұйым) тобының жетекшілері бүкіл әлем бойынша террористік шабуылдарды жүзеге асыру мүмкіндігі бар бүкіл әлемде лаңкестік желіні құру туралы жоспарлар жасайды.
«Халифаттың Сирия мен Иракта стратегиялық жеңіліске ұшырауы Ислам мемлекетінің мүддесі Қазақстанның, Өзбекстанның, Тәжікстанның, Қырғызстанның және Арменияның аумағына ауысуына әкеліп соғады», — деді ол.
