НҰР-СҰЛТАН, 23 сәуір. Шри-Ланкада болған теракті құрбандарының саны 310 адамға жетті. Тағы 480 адам жапа шеккендер қатарында, деп Islam Today-ге сілтеме жасап Kazislam  жазады.

Бүгінгі күннен бастап елде төтенше жағдай режимі жарияланды. Еске салсақ, Шри-Ланкада 21 сәуір күні жарылыс болды. Бұдан бөлек полиция Бандаранаике халықаралық әуежайына орнатылған қолдан жасалынған жарылғыш құрылғыны залалсыздандырды.

Сериялы терактілерді «Джамаат ат-Таухид аль-Ватания» экстремистік тобы ұйымдастырғандарын мәлімдеді. Терактіні зерттеу барысында күдікті ретінде 30 адам ұсталды.