НҰР-СҰЛТАН, 01 мамыр. Сейсенбі күні Душанбеде Багдадтан келген арнайы рейсті күтіп алды, ол жерде ата-анасы ИМ террористік топтың жағында соғысқан 84 бала болды, деп хабарлайды Sputnik Тәжікстан . 

Балаларды Тәжікстанның Кувейттегі Елшісі Зубайдулло Зубайдуллозода алып келді, әуежайда оларды Президент аппаратының,  Ішкі істер министрлігінің, Мемлекеттік Ұлттық қауіпсіздік комитетінің, Әйелдер және отбасы істері жөніндегі комитет және ЮНИСЕФ өкілдері қарсы алды.

Оралғандардың арасында 1,5-нан  15 жасқа дейінгі балалар,көбінесе қыздар. Көптеген балалар тек араб тілінде сөйлейді.

«Президент Эмомали Рахмонның тапсырмасына сәйкес, ИМ-не қосылу үшін (Қазақстанда тыйым салынған) Иракта ата-аналарымен бірге болған барлық балалар мен кәмелетке толмағандарды үйге қайтару мәселесі Тәжікстан үкіметінің бақылауында», — деп Сыртқы істер министрінің орынбасары Музаффар Хусейнзода  кездесу барысында сөйледі.

Оның айтуынша, келіссөздердің нәтижесінде Ирактағы лагерлерде, қамау орындарында және түрмелерде 43 әйел мен 95 бала бар. Ол балаларды Тәжікстанға қайтаруға көмек көрсеткені үшін Ирактың Үкіметіне алғысын білдірді.

Балалар омбудсмені Раджабмо Хабибулозода Ирактан Тәжікстанға осындай үлкен топ алғаш рет оралғанын атап өтті.

 «Ирак пен Сириядан балаларды қайтарған басқа елдердің тәжірибесінде әлі де осындай жағдай орын алған жоқ деп айта аламыз … Барлық балалар бастапқы медициналық тексеруден өтті, мұқтаждарға қажетті медициналық көмек көрсетілді», — деді ол журналистерге.

Омбудсменнің айтуынша, Сирияда Тәжікстанның қанша баласы бары әлі белгісіз, бірақ олардың жеке тұлғалары анықталғанда, оларды Отанына қайтару жұмысы басталады.

«Тәжікстан президенті Эмомали Рахмонның айтуынша, біздің бірде баламыз басқа елде қалмайды», — деді Хабибулозода.

Оның айтуынша, тиісті рәсімдерді өткізгеннен кейін туыстары бар балалар соларға тапсырылады, ал қалғандары интернаттарға ауыстырылады.