НҰР-СҰЛТАН,27 мамыр.  72-ші Канн кинофестивалінде мұсылман жастарды радикализациялау тарихы туралы фильм номинант атанды. Бұл туралы ҚазАқпарат  bbc.com сайтына сілтеме жасап хабарлады, деп KAZISLAM сайты жазды.

«Үздік кинорежиссура» номинациясы бельгиялық ағайынды Дардендерге «Жас Ахмед» фильміне берілді. Бұл кинода мұсылман жастары арасында радикализмнің насихатталуы жан-жақты баяндалған.

Айта кетейік, фестивальдің бас жүлдесі оңтүстіккореялық режиссер Пон Джун Хоның «Паразит» фильміне берілсе, француз сценарисі Селин Скьамма «Портрет женщины в огне» фильмінің үздік сценарийі үшін жүлде алды.

Ал қазылар алқасының жүлдесін Ладжа Лидің «Отверженные» және кіші Клебера Мендостың «Бакурау» фильмдері бөліп алды. Фестивальде Квентин Тарантиноның «Однажды в Голливуде» жаңа фильмінің әлемдік премьерасы өтті. Бірақ бұл фильм ешқандай жүлде ала алмады.