НҰР-СҰЛТАН, 01 маусым. Меккеде Ислам ынтымақтастығы ұйымының он төртінші саммиті ашылды, деп Al Hadath телеарнасына сілтеме жасап informБЮРО  хабарлайды.

Қалаға 57 мемлекеттен ресми тұлғалар келді. Олар ислам ұлтына қатысты барлық мәселелерді талқылауды жоспарлап отыр.

Қатысушылар бейбітшілік пен қауіпсіздікті сақтау, терроризм мен экстремизмге қарсы тұру , кедейлік пен сыбайлас жемқорлыққа қарсы күрес, инвестицияларды тарту және түрлі экономикалық және әлеуметтік жобаларды қаржыландыру, азық-түлік қауіпсіздігі, ғылым мен техника, климаттың өзгеруі және орнықты дамуы, конфессияаралық өзара іс-қимыл, әйелдердің құқықтары мен мүмкіндіктерін кеңейту, ислам мемлекеттерінің гуманитарлық салада бірлескен әрекеттері, адам құқықтары тақырыбын қозғайды.