НҰР-СҰЛТАН, 21 маусым. Ауғанстанның Джалалабад қаласында жарылыс болып, 1 адам қаза тапты, деп 24.kz хабарлайды.
Тағы 20 тұрғын жарақат алды. Ақпарға қарағанда, полиция көлігі жол шетіне қойылған бомбаға түсіп жарылған. Қастандықты қандай лаңкестік топтың ұйымдастырғаны белгісіз. Қазір содырлар іздестіріліп жатыр.
Айта кетейік, өткен аптада осы шаһарда тағы бір көлік минаға жарылып, 9 адам опат болған еді. Ол лаңкестікті де қандай топтың жүзеге асырғаны әлі белгісіз.
