НҰР-СҰЛТАН, 26 маусым. Ағымдағы жылдың басынан бері Иранда 190 тонна есірткі тәркіленді, олардың көпшілігі елдің шығыс шекарасында табылды, деп  IRNA  агенттігіне сілтеме жасап ИрТАГ хабарлайды.

Бұл туралы есірткіге қарсы қызмет басқармасының бастығы генерал Масъуд Захедиян мәлімдеді.

«Жылдың басынан бері әріптестер есірткі сатушылармен күресіп, табысқа қол жеткізу үшін үздіксіз күш-жігер жұмсады», — деді ол.

Оның айтуынша, осы уақыт ішінде елдің түрлі аймақтарында бірнеше бандалар жойылды.

«Есірткіге қарсы полиция қызметкерлері осы саладағы жақсы тәжірибесі бар кәсіби  мамандарға ие және жыл бойы Иранға басқа елдерден келетін адамдар үшін әртүрлі курстар өткізген тиісті оқыту схемасы бар»

Иран есірткі контрабандасына қарсы күрестің алдыңғы қатарында. Иран полициясының күш-жігерінің арқасында жыл сайын есірткі тасымалдау арнасы тоқтатылып, әлемдік апиын айналымының 80% -нан астамы, героин мен морфиннің 40% -ы тәркіленеді.

Есірткінің басым бөлігі Ауғанстаннан ел арқылы  транзитпен тасымалданады. АИР-да 2001 жылы Талибан режимінің құлағаннан кейін есірткі өндірісі артты.