НҰР-СҰЛТАН, 05 шілде. Ұжымдық қауіпсіздік шарт ұйымы бас хатшысының міндетін атқарушы Валерий Семериков террористер шоғырланған аймақтардан оралған азаматтар қандай қауіп төндіруі мүмкін екенін sputniknews.kz жазады.

Террористер шоғырланған аймақтардан оралған азаматтар бас бостандығынан айыру орындарына айтарлықтай қауіп төндіріп жатыр. Бұл туралы ҰҚШҰ бас хатшысының міндетін атқарушы Валерий Семериков мәлімдеді.

«Сотталған ДАИШ (Қазақстанда тыйым салынған ұйым) өкілдері түзету колонияларында үгіт-насихат жүргізу, қатарына жаңа адамдарды тарту жұмыстарын жүргізе бастады. Бұл өте маңызды мәселе«, — деп хабарлады Валерий Семериков Мәскеудегі баспасөз мәслихатында.

Отырыс Нұр-Сұлтан, Бішкек, Ереван және Минск қалаларындағы баспасөз орталықтарында видеобайланыс арқылы көрсетілді.

Сонымен қатар террористер шоғырланған аймақтардан өз отанына қайта оралған балалар терроризм идеологиясын «жұқтырған» болуы мүмкін, деп атап өтті Валерий Семериков.

Оның айтуынша, бұл мұқият зерттеуді қажет ететін қауіпті белгі.

Қазақстанның қауіпсіздік қызметі осы жылы үш рет «Жусан» операциясын өткізіп, Сириядан 524 адамды, оның ішінде 30 ер адам, 137 әйел, 357 баланы елге жеткізді.

Қаңтар айында Қазақстанға оралған екі ер адам террористік қызметке қатысқаны үшін сегіз жылға бас бостандығынан айырылды. Екінші арнайы операция кезінде оралғандардың қатарынан 16 ер адам мен 4 әйел қамауға алынды.