НҰР-СҰЛТАН, 10 шілде. Бейсенбі, 11 шілде күні сағат 09.55-те Нұр-Сұлтанда құлақтандыру жүйесі тексеріледі, деп Нұр-Сұлтан қаласының Төтенше жағдайлар департаментінің баспасөз қызметіне сілтеме жасап SMART ASTANA хабарлайды.

Төтенше жағдайлардың пайда болу қаупі кезінде халықтың назарын аудару үшін электродабылдар немесе басқа да дабыл құралдары енгізіледі, бұл «Назар аударыңыз!» деген біріңғай құлақтандыру  сигналы.

«Бұл сигналды естігенде, халық орын алған жағдайдағы іс-қимылдары туралы ақпарат пен нұсқаулықтар алу үшін ақпаратты қабылдаудың қол жетімді құралдарын дереу қосуға міндетті. Құрметті қала тұрғындары мен қонақтары, Төтенше жағдайлар департаменті тұрғындарды үрей тудырмауға және сабыр сақтауға шақырады», – деп хабарлайды Астана қаласы ТЖД баспасөз қызметі.