НҰР-СҰЛТАН, 11 шілде. Шанхай ынтымақтастығы ұйымы елдері есірткі тасымалына қарсы арнайы шара ұйымдастырмақ, деп хабарлайды 24.kz.

Осыған орай ұйымға мүше елдердің құқық қорғаушылары Алматыда бас қосты.

Еске сала кетейік, 2017 жылы Елбасы Нұрсұлтан Назарбаев есірткі саудасымен бірлесе күресу жөнінде бастама көтерген. Ұсыныс өзге мемлекеттер тарапынан қолдау тапты. Аталған іс-шараны жүзеге асыруға БҰҰ-ның өкілдері де шақырылды. Еліміздің Ішкі істер министрлігінің мәліметінше, бұл ШЫҰ елдері арасындағы алғашқы көлемді жедел шара.