АТБАСАР, 18 шілде. KAZISLAM – Ақмола облысы Атбасар аудандық сотында азаматша К-ға қатысты қылмыстық іс қаралды, деп жазады Ақмола облыстық сотының ресми сайтына сілтеме жасап kazislam.

Азаматша К. мас күйінде бола тұра, өзінің ұялы телефонынан Атбасар қаласының «101» мамандандырылған өрт сөндіру бөлімінің кезекші бөліміне қоңырау шалып, полиция басқармасының ғимаратында жарылғыш зат салынғандығы туралы жалған мәлімет берген.

Сот азаматша К-ны Қылмыстық Кодексінің  273-бабымен  (Терроризм актiсi туралы көрiнеу жалған хабарлау)  көзделген қылмысты жасағаны үшін айыпты деп танып, оған 2 жыл 6 ай мерзіміне бас бостандығын шектеу жазасын тағайындады.