ҚОСТАНАЙ, 29 шілде. KAZISLAM – Қостанайда нысандардың лаңкестікке төзімділігі тексерілді. Қостанайда 107 нысанның лаңкестік әрекеттерге төтеп беру деңгейі төмен. Бұл туралы жергілікті полиция департаментінің өкілдері мәлімдеді, деп жазады kаzislam.kz.

Тәртіп сақшыларының дерегінше жыл басынан бері 519 нысан тексерілген. Алайда оның шамамен 20 пайызы үкімет қаулысындағы қауіпсіздік ережелеріне сай келмейтін болып шықты.

Нысандарда көбінесе бейнебақылаудың жоқтығы, күзетшілердің тапшылығы, өткізу бекетінің тексерілмеуі сынды ереже бұзушылықтар анықталған.

Осылайша адам көп жиналатын 11 орынның басшыларына 4,5 млн теңгенің айыппұлы салынды.