НҰР-СҰЛТАН, 07 тамыз. Ауғанстан астанасы Кабулда жойқын жарылыс болып, 18 адам қаза тапты,деп 24.kz хабарлайды.

100-ге жуық тұрғын жарақат алды. Олардың көбі әйелдер мен балалар. Алдын ала ақпарға қарағанда лаңкестер шаһардағы полиция басқармасының бірінің жанында бомба жасырынған көлікті жарып жіберген. Шабуылды «Талибан» лаңкестік ұйымы мойынына алды. Қазір терактімен байланысты содырлар іздестіріліп жатыр. Жергілікті билік қаза тапқандар мен жарақат алғандардың саны арта түсуі мүмкін екенін айтады.