НҰР-СҰЛТАН, 07 тамыз. Каирде 20 адамның өмірін жалмаған жойқын жарылыс лаңкестік әрекет болған.Бұл туралы 24.kz жазады.
Египет президенті Абдель Фаттах ас-Сиси осындай мәлімдеме жасады. Бұған дейін қайғылы оқиғаға жол апаты кезіндегі оттегі баллонының жарылуы себеп деген нұсқалар айтылған еді. Полиция üқызметкерлері Ніл бойындағы жолмен келе жатқан көлік қарсы бағыттағы жолға шығып кетіп, бірден үш машинамен соқтығысқанын жеткізген. Президенттің айтуынша, апат туғызған автомобильге жарылғыш зат қойылған. Салдарынан 20 адам көз жұмып, 30 тұрғын түрлі деңгейде жарақат алды.
