НҰР-СҰЛТАН, 02 қыркүйек. Ауғанстанда тәліптер тағы бір қалаға шабуыл жасады. Бұл жолы радикалды топ Бағлан провинциясындағы Пули-Хумри қаласын басып алмақ болған.Бұл туралы 24.kz хабарлайды.
Бірақ үкімет жасақтары содырларға тойтарыс беріп, онға жуық лаңкестің көзін жойды. Тағы бірнеше тәліп қолға түскен. Еске сала кетейік, осыдан бір күн бұрын «Талибан» қарулы топтары Кундуз қаласына шабуыл жасап, 3 жауынгер қаза тапты. 15 сарбаз жарақат алды. Бірақ әскерилер лаңкестерге тойтарыс беріп, 60-қа жуық содырды жер жастандырды. Қазір аймақта тәліптерге қарсы арнайы операция жүріп жатыр.
