НҰР-СҰЛТАН, 25 қыркүйек. Тәуелсіз Мемлекеттер Достастығының терроризмге қарсы орталығы лаңкестердің отын-энергетика кешені нысандарына қызығушылығын белгіледі, деп мәлімдеді  ТҚО басшысы Андрей Новиков, деп хабарлайды Sputnik Тәжікстан.

«Біз лаңкестік ұйымдардың кез келген мемлекет үшін қауіпсіздік стратегиясының дербес элементін құрайтын отын-энергетика кешені инфрақұрылым объектілеріне деген артқан ынталарын белгілеп отырмыз», — деді ол.

Оның айтуынша, ТМД елдері осы салада айтарлықтай ресурстық әлеуетке ие.

Новиков атап өткендей, ТМД мемлекеттерінің энергетикалық әлеуеті әлемдік мұнай қорының 8% — ға жуығын және әлемдік табиғи газ қорының 33% — ға жуығын құрайды, ал ОЭК объектілері өзара ажырамайтын желімен байланысты.

Естеріңізге сала кетейік, кеше ҰҚШҰ Біріккен штабының бастығы Анатолий Сидоров «Талибан» (ҚР қызметіне тыйым салынған ұйым) радикалды қозғалысының содырлары тарапынан Ұжымдық қауіпсіздік туралы шарт ұйымы елдеріне қатысты қауіп-қатерлер туралы мәлімдеген болатын.

Ол тәжік-ауған шекарасындағы содырлардың белсенділігінің артқанын ескертті.