НҰР-СҰЛТАН, 16 қазан. 15 қазанда Тахар провинциясы полициясының ресми өкілі (провинцияның астанасы — Талукан қаласы) осы аймақтың аумағында Ұлттық қауіпсіздік және қорғаныс күштері жүргізген операция нәтижесінде «Талибан» қозғалысының (ҚР-да қызметіне тыйым салынған ұйым) жоғары лауазымды командирі Мулла Дауд жойылғанын мәлімдеді, деп жазады Regnum. 

«Bakhtar News Agency» ауғандық жаңалықтар басылымының хабарлауынша, Ауғанстанның қорғаныс және Ұлттық қауіпсіздік күштерінің тәлібтерді жою жөніндегі операциясы  Тахар провинциясының Янги Кала уезінің аумағында өткізілді.

Тахар провинциясы полициясының ресми өкілінің айтуынша, Ұлттық қауіпсіздік және қорғаныс күштерінің операциясы барысында тағы жеті «Талибан» (ҚР-да қызметіне тыйым салынған ұйым) қозғалысының содыры  қаза тауып, тағы бесеуі түрлі дәрежедегі жарақат алды. Тахар провинциясының Янги Кала уезінің аумағында орналасқан бес ауыл топтың күштерінен тазартылды.

Қазіргі уақытта «Талибан» (ҚР-да қызметіне тыйым салынған ұйым) қозғалысының ресми өкілдері осы ақпаратқа ешқандай түсініктеме берген жоқ.