АТЫРАУ, 30 қазан. 2019 жылғы 1 қараша күні ҚР Терроризмге қарсы Орталығының эгидасы аясында облыстық және Теңіз жедел штабтарының күштерін тарта отырып, Атырау қаласы аумағында «Атырау-Антитеррор-2019» терроризмге қарсы күрес оқу-жаттығуларын өткізу жоспарлануда, деп Атырау облыстық терроризмге қарсы күрес жедел штабына сілтеме жасап ATPress хабарлайды.
Оқу-жаттығудың мақсаты — мемлекеттік және құқық қорғау органдарының террористік актілерді алдын алуға бағытталған дайындықтарын тексеру болып табылады.
Аталған мерзім ішінде Атырау қаласының кейбір аудандарында шектеу шаралары қолданылатын болады.
Осыған орай, облыс тұрғындары мен қонақтарын өткізіліп жатырған оқу-жаттығуларға түсіністікпен қарап, сабырлық сақтауларын өтінеміз.
Уақытша келтірілген қолайсыздықтар үшін кешірім сұралады.
