НҰР-СҰЛТАН, 17 қараша. Мысыр президенті Абдел Фаттах ас-Сиси Ішкі істер министрлігі мен арнайы қызмет өкілдеріне қауіпсіздікті қамтамасыз ету үшін елдегі терроризм мен экстремистік идеологияға қарсы күресті бәсеңдетпеуге нұсқау берді , деп хабарлайды РИА Новости президент әкімшілігіне сілтеме жасап. 

Президент әкімшілігінің хабарлауынша, бұл премьер-министр Мұстафа Мадбулидің, сондай-ақ Мысырдың Ішкі істер министрлігінің басшысы, жалпы барлау және әкімшілік бақылау басқармасы басшыларының қатысуымен өткен кездесуде талқыланды.

«Кездесуде қауіпсіздік пен терроризмге қарсы күрес мәселелері талқыланды. Президент Мысыр  халқының қауіпсіздігі саласындағы тұрақтылықты қамтамасыз ету үшін терроризммен, экстремизммен және қылмыспен күрес саласындағы жұмысты жалғастыруды сұрады », — делінген құжатта.

Соңғы жылдары Мысыр терроризм қаупін жою үшін көп күш жұмсады. Негізгі күштер, антитеррорлық операция жалғасып жатқан Синай түбегінің солтүстігінде шоғырланған. Осы уақытқа дейін ондаған террористер мен қылмыскерлер жойылып, ұсталды, содырлардың қару қоймалары, лагерлері, байланыс және көлік құралдары жойылды. Бұл жүйелі жұмыстың нәтижесінде елде полиция қызметкерлері мен армияға жасалған лаңкестік әрекеттер мен террористік шабуылдар саны айтарлықтай азайды.