НҰР-СҰЛТАН, 21 қараша. НАТО халықаралық терроризмге қарсы тұруға назар аударуы керек. Бұл туралы сәрсенбіде Чехия қарулы күштерінің жоғары командалық құрамының кеңесінде республика президенті Милош Земан мәлімдеді, деп ТАСС жазады .

 «Солтүстік атлантикалық альянс өркениетті мемлекеттердің басты жауы болып табылатын халықаралық терроризммен күреске баса назар аударуы керек», — деп атап өтті президент.

Земанның пайымдауынша, НАТО әдеттегі қаруды қолдана отырып, әскери қақтығыс кезінде ықтимал қарсыластарды қорқытуға бағытталған әрекеттерде қате жіберді. Бұл, жақында Франция президенті Эммануэль Макрон айтқандай, блокты «клиникалық өлімге» алып келді.

«Егер НАТО клиникалық өлім жағдайында болғысы келмесе, онда ұйым белсенді болып, қазіргі әлемде оның нақты рөлі қандай екенін түсінуі керек», — деді Земан.

Оның айтуынша бұл рөл терроризммен ымырасыз күрес. Осыған байланысты Чехия басшысы НАТО бөлімшелерін Ауғанстаннан шығаруға бағытталған бастамаларды қабылдамады. Земан желтоқсанда Лондонда өтетін блоктың алдағы саммитінде альянстың сол елде болуын сақтауды талап етуге ниетті.

Ұжымдық жиналысқа қатысушылар президентті НАТО-ның Ауғанстанда болуын сақтау қажеттілігі сұрағында қолдады.