НҰР-СҰЛТАН,03 желтоқсан. Жарылыс сейсенбі күні таңертең Индонезия астанасы Джакартада болды , бірнеше адам жарақат алды, деп Jakarta Post сілтеме жасап РИА Новости хабарлайды.
Жарылыс Джакарта орталығындағы Ұлттық тәуелсіздік монументі аумағында шамамен таңертеңгі сағат 7.05-те (Мәскеу уақытымен 3.05) болған деп хабарланады. Бұл саябақтың айналасында президент сарайы, жоғарғы сот және бірнеше министрлік, оның ішінде Ішкі істер министрлігі орналасқан.
Ұлттық полиция өкілінің айтуынша, зардап шеккендер арасында екі 2 әскери бар, олар ауруханаға жеткізілді.
Полиция оқиғаның мән-жайын тексеруде.
Сонымен бірге Antara агенттігі кейбір мәліметтер бойынша жарылыс террористік шабуыл емес екендігін атап өтеді: бомба емес, түтіндеу құтысы жарылғанын айтады. Өз кезегінде Джакарта полициясы жарылыс болған кезде әскери қызметшілер спортпен шұғылданды деп мәлімдеді. Зардап шеккендер ауруханаға жеткізілді. Олар болған оқиғаның куәгерлері болып саналады.
Индонезияда лаңкестік шабуылдар кейде болып тұрады, оның ішінде жарылыстар, бірақ соңғысы Джакартада 2016 және 2017 жылдары болған.
