НҰР-СҰЛТАН, 02 қаңтар. Кабардин-Балқария парламентінің депутаттары алдағы көктемгі сессия барысында жарылғыш заттарды заңсыз өндіргені үшін жауапкершілікті арттыру туралы Мемлекеттік Думаға заңнамалық бастама енгізбекші, деп хабарлайды РИА Новости парламенттің бақылау және реттеме комитетінің төрағасы Елена Кансаеваға сілтеме жасап.

«Көктемгі сессия аясында 17 заң жобасын қарастыру, Мемлекеттік Думаға бір заңнамалық бастаманы енгізу, екі қоғамдық тыңдау, үш дөңгелек үстел, 17 үкімет сағаты, сондай-ақ комитеттердің бес кеңейтілген және сегіз көшпелі отырысы жоспарланған», — деді Кансаева бұған дейін аймақтық парламентінің күзгі сессиясының қорытынды отырысында.

«Бұл Ресей Федерациясының Қылмыстық кодексінің 223.1-бабына жарылғыш заттарды заңсыз дайындау, жарылғыш құрылғыларды заңсыз дайындау, өзгерту немесе жөндеу үшін жауапкершілікті арттыруға қатысты», — деп түсіндірді Кансаева.

Ол РИА Новостиге Ресей парламентіне ұсынылатын заңнамалық бастама осы өңірдің Мемлекеттік Думаның депутаты, «Единая Россия» фракциясының бірінші орынбасары Адальби Шхагошевпен бірлесіп әзірленгенін нақтылады.