НҰР-СҰЛТАН, 10 қаңтар. Пәкістанның Кветта қаласындағы мешітте болған жарылыстан он бір адам қайтыс болды, 12 адам жарақат алды, деп хабарлайды РИА Новости GeoTV арнасына сілтеме жасап.
Арнаның хабарлауынша, жарылыс кешке Гусабад ауданында болған. Зардап шеккендерді ауруханаға жеткізу үшін оқиға орнына құтқарушылар келгені хабарланады.
Қазір полиция жарылыстың себебін анықтап жатыр. Құқық қорғау органдары бұл аумақты қоршап алып, оқиғаға қатысты тергеу жұмыстарын бастады.
