НҰР-СҰЛТАН, 12 қаңтар. Сирияда солтүстігінде әуе соққысынан бейбіт тұрғындар қаза болды, деп 24.kz хабарлайды. 

Сирияның солтүстігіне жасалған әуе соққыларынан 17 бейбіт тұрғын мерт болды. Тағы 50-ге жуық азамат жарақат алды. Марқұмдар арасында балалар да бар.

Белгілі болғандай, соққы Идлиб қаласының бірнеше ауданы мен 11 елді мекенге берілген. Оны Башар Асад режиміне қарасты қарулы күштер жасапты. Аймақта құтқару-іздестіру жұмыстары әлі де жүріп жатыр.

Айта кетейік, Сириядағы азаматтық соғыс 2011 жылы басталды. Содан бері жүз мыңдаған адам көз жұмды.