НҰР-СҰЛТАН, 21 қаңтар. Дүйсенбі күні Бангладеш соты 2001 жылы Бангладештің Коммунистік партиясының саяси митингіде кемінде бес адамның өмірін қиған жарылыс үшін он содырды өлім жазасына кескен деп хабарлайды Синьхуа агенттігі .

Лық толы сот залындағы арнайы трибуналдың судьясы тыйым салынған «Харкат-уль-Джихад-аль-Ислами» қарулы тобының он мүшесін өлім жазасына кесу туралы үкім шығарды. Сот осы іс бойынша тағы екі айыпталушыны ақтады, себебі оларға қарсы тағылған айыптар дәлелденбеді.