НҰР-СҰЛТАН, 25 қаңтар. АҚШ-тың арнайы өкілі Джеймс Джеффри 27-30 қаңтарда Еуропаға барып, коалиция мен Сирия мәселелерін талқылайды, деп хабарлайды РИА Новости АҚШ Мемлекеттік департаментіне сілтеме жасап.
Джеффри Сирия бойынша арнайы өкілі мен ИМ-мен күрес жөніндегі коалицияның арнайы өкілі (ҚР қызметіне тыйым салынған ұйым) қызметтерін қоса атқарады.
Джеффри, Сирия бойынша мемлекеттік департаменттің тағы бір өкілі Джоэл Рэйбернмен бірге Ұлыбритания, Франция, Германия, Сауд Арабиясы, Египет және Иордания өкілдерімен бірге Лондондағы Сирия бойынша кіші топтың отырысына қатысады.
Содан кейін Джеффри Данияға барып, сол жерде саяси директорлар деңгейінде коалиция отырысын өткізеді. Кейін, 30 қаңтарда Джеффри Брюссельде Сирия мен Ирак бойынша кездесулерді өткізеді.
