НҰР-СҰЛТАН, 09 ақпан. Сенбі күні кешке Бағдадта болған екі жарылыс салдарынан жеті адам зардап шекті. Бұл туралы Синьхуа агенттігі Ирак Ішкі істер министрлігіндегі дереккөзге сілтеме жасап хабарлады .
Дереккөздің хабарлауынша, бірінші жарылыс Бағдадтың шығысында болды , нәтижесінде төрт адам жарақат алып, жақын маңдағы ғимараттар мен көліктерге зақым келді. Екінші жарылыс қаланың солтүстік бөлігінде орын алды, салдарынан үш адам жарақат алды. Медициналық көмек көрсетілуі үшін зардап шеккендер ауруханаға жеткізілді. Оқиғалардан кейін қауіпсіздік күштері жарылыс болған жерлерді қоршап алып, тергеу жұмыстарын бастады.
Әзірге шабуыл үшін жауапкершілікті ешбір ұйым немесе адам мойнына алған жоқ.
