НҰР-СҰЛТАН, 13 ақпан. Ирактың қарулы күштері ИМ (ҚР-да қызметіне тыйым салынған ұйым) содырларының қалдықтарын жою бойынша кезекті арнайы операцияға кірісті Бұл туралы Kurdistan.ru сілтеме жасап REGNUM хабарлады.
Операция Сирия мен Иордания шекарасында орналасқан Анбар провинциясының шөлді аймағында өтеді. Журналистердің ақпараты бойынша, биыл бұл лаңкестерге қарсы ең үлкен акция болады.
Әскери іс-қимылдар бірден бес бағытта өрістетілетін болады.
Бұған дейін хабарлағандай, Ирак билігі 2018 жылдың соңында «Ислам мемлекетін» (ҚР қызметіне тыйым салынған ұйым) толық жеңді деп жариялаған, соған қарамастан, елдің қол жетімді емес жерлерінде террористердің ықпалы әлі де сақталады.
