НҰР-СҰЛТАН, 27 ақпан. Түркия қауіпсіздік күштері Ыстамбұлдағы лаңкестік әрекеттерді жоспарлады деген күдікпен 10 адамды ұстады. Билік қамауға алынғандарды елде тыйым салынған Күрд жұмысшылар партиясының және Сирияның күрдтік «Халықтың өзін-өзі қорғау отрядтарының» мүшелері деп санайды. Бұл туралы Синьхуа агенттігі Анадолу ақпараттық агенттігіне сілтеме жасап хабарлады .

Олардың айтуынша, қауіпсіздік органдарына Түркияға «үкімет шенеуніктері, жергілікті әкімшілік жетекшілері мен полиция бекеттері, сондай-ақ экономикалық және стратегиялық маңызы бар жерлерде» лаңкестік  шабуылдарды жүзеге асыру үшін екі күдіктінің заңсыз кіргені туралы ақпарат келіп түсті . Қалған күдіктілер «көмек көрсету және арандатушылық» деген айыппен ұсталды.

Операция кезінде полиция жарылғыш заттарды, қару мен оқ-дәрілерді тәркілеген.

30 жылдан астам уақыттан бері елдің оңтүстік-шығысында автономды аймақ құру үшін түрік армиясымен соғысып келе жатқан Күрд жұмысшылар партиясы Түркияда, АҚШ-та және ЕО-та террористік топтардың тізіміне енді.

Түркия үкіметі «Халықтың өзін-өзі қорғау отрядтары» Күрд жұмысшылар партиясының Сириядағы бөлімшесі деп санайды .