НҰР-СҰЛТАН, 13 наурыз. Симферопольдің Киев аудандық соты Ресей Федерациясында тыйым салынған «Хизб ут-Тахрир аль-Ислами» халықаралық лаңкестік ұйымының мүшелері Сейтумер Сейтумеровті, Осман Сейтумеровті және Рүстем Сейтмеметовті қамауға алды. Лаңкестік топтың тағы бір мүшесі Амет Сүлейманов денсаулығына байланысты үй қамауына алынды, деп хабарлайды ТАСС соттың баспасөз қызметіне сілтеме жасап.
Сотта айыптаушы күдіктілердің барлығы Украинаның азаматтары екенін, соттан жасырынып немесе қылмыстық іспен айналыса алатынын, сондай-ақ тергеу барысына әсер ете алатынын мәлімдеді.
Мүгедек және жүрек ауруы бар Амет Сүлеймановқа Бахчисарайдағы екі айға үйінен шығуға, сондай-ақ Интернетті пайдалануға тыйым салынды.
Адвокаттар өз клиенттеріне қамауға алумен байланысты емес бұлтартпау шараларын қолдануды сұрады. Сейтмеметов пен Сейітумеровтің қорғаушылары тінту кезінде табылған экстремистік әдебиеттерді олардың клиенттеріне жасырын тасталғанын мәлімдеді. Сейтумеровтің өзі оның Ресейде тыйым салынған ұйымға қатысы жоқ екенін және тарихшы ретінде үйде өзі оқыған газет қиындыларын сақтағанын айтты. Осман Сейтумеров сотта өзінің кінәсін мойындамайтынын айтты.
