НҰР-СҰЛТАН, 20 наурыз. Жұма күні Ресейде «миналанған» ұшақтар саны онға дейін өсті. Бұл туралы шұғыл қызметтердегі ақпарат көзіне сілтеме жасай отырып ТАСС хабарлайды.

«Шереметьево әуежайына тағы жеті ұшақтың —  Мәскеуден Мурманскіге, Архангельскіге, Орынборға, Уфаға, Челябіге, Санкт — Петерборға және Новосібір-Мәскеу рейстерінің  «миналануы»  туралы жасырын хабарлама келіп түсті», — деді агенттіктің сұхбатшысы. Бұған дейін дереккөз үш авиарейстің «миналануы» туралы хабарлаған болатын .

Владивосток пен Уфадан келген рейстер Шереметьевоға аман-есен қонды.

Жұма күні Шереметьево әуежайының электронды поштасына  Мәскеуге  Владивосток, Уфа және Иркутсктен ұшатын ұшақтардың «миналануы» туралы жасырын хабарлама келді. Олардың барлығы белгіленген жерге келіп қонды.

Әуе кемелер бортындағы жарылыс қаупі туралы хабарламалар 3 наурызда басталды, осы уақытта 40 рейс «миналанған». Барлық қауіптер жалған болды. «Миналанған» борттар саны бойынша рекордтық көрсеткіш 19 наурызда болды, бір уақытта жеті рейс тексерілген.Белгісіз біреулер  биткоиндарды бопсалап, ұшақтарды, сот ғимараттарын, дүкендерді, әуежайларды, әуекомпанияларды»миналауды » жалғастырамыз деп қорқытып, жасырын хабарламаларды таратады.