НҰР-СҰЛТАН, 25 наурыз. Дүйсенбі күні  Чадтың батысындағы Лак провинциясындағы Бомада «Боко Харам» лаңкестік тобының шабуылы нәтижесінде 92 әскери қаза тауып, 47 адам жарақат алды, деп Чад президенті Идрисс Деби Итноға сілтеме жасап Синьхуа ақпарат агенттігі хабарлады.

«Біз 92 сарбазымыздан айырылдық … Сондай-ақ, 47 жарақат алған сарбаздар Нджаменге қарқынды терапия үшін жеткізілді», — деді сейсенбі күні жағдайды бағалау үшін Бомаға келген президент.

Ол Бомада болған жағдайды болдырмау үшін әскердің барлық қазіргі жоспарларын қайта қарауға уәде берді .

«Бір операция кезінде сонша адамдардан айрылу — бұл тарихтағы алғашқы оқиға.Мен Чадтықтарға жараланғандарды қоса алғанда, қорғаныс пен қауіпсіздік күштері қызметкерлері соңғы деміне дейін соқтағысқанын айтқым келеді», — деді Чад басшысы.

Бомадағы шабуыл сегіз сағаттан астам уақытқа созылды, деп хабарлады әскери ақпарат көздері.

«Боко Харам» тобы тарапынан құрбандар саны әлі белгісіз.