НҰР-СҰЛТАН, 30 наурыз. Тәжікстан мен Өзбекстан шекарасындағы «Ишкобод» бекетіне жасалған шабуыл жиіркенішті лаңкестік қылмыс болды, деп мәлімдеді Юсуф Рахмон қорытынды баяндамасында. Бұл туралы Sputnik Тәжікстан жазады.

Юсуф Рахмон «Ишкободқа» шабуыл кезінде 26 адам, оның ішінде әйелдер мен балалар қаза болғанын нақтылады.

«26 адам қаза тапты, оның ішінде тоғыз ер адам, сегіз әйел, төрт кәмелетке толмаған бала, бес әскери қызметкер және бір полиция қызметкері, тағы екі адам жарақат алды», — деді Тәжікстанның Бас прокуроры.

Ол «Ишкобод» шекара бекетіне шабуыл жасауына байланысты құқық қорғау қызметкерлері 22 адамды тұтқындағанын атап өтті. Қазіргі уақытта шекараның тәжік-өзбек учаскесінде лаңкестік әрекет бойынша материалдар сотқа берілді.

Тәжікстанның шекара бекетіне шабуыл

Өткен жылғы қарашаның 5-нен 6-на қараған түні 20 адамнан тұратын қарулы топ тәжік-өзбек шекарасында №4 «Ишкобод» шекара заставасына шабуыл жасады.

Тәжікстан МҰҚК мәліметінше, бетперде киген қылмыскерлер тәжік құқық қорғау органдарының қызметкерлеріне оқ жаудырды. Атыс кезінде 15 содыр жойылып, тағы 5 шабуылшы қамауға алынды. Қақтығыс кезінде тәжік тараптан бірнеше адам қаза тапты.

Жауап алу кезінде қамауға алынғандар өздерінің «Ислам мемлекеті» террористік ұйымының (ҚР  тыйым салынған ұйым) мүшелері екенін мойындады. Түсініктемелерге сәйкес, олар Ауғанстанның Калаи Зол үезі арқылы шекараны заңсыз кесіп өтіп, Хатлон облысының Кубодиен ауданында келген.

«Ислам мемлекеті» Тәжікстанның «Ишкобод» шекара бекетіне шабуыл үшін жауапкершілікті өз мойнына алды. Олар сонымен бірге шабуыл кезінде 10 мың құқық қорғау қызметкері өлтірілгенін айтты, бірақ бұл ақпаратты Тәжікстан билігі ресми түрде жоққа шығарды.