НҰР-СҰЛТАН, 05 сәуір. «Ислам мемлекеті» тобының содырлары Сирияның солтүстік-шығысындағы Дейр-эз-Зор провинциясында сегіз бейбіт тұрғынды өлтірді. Бұл туралы Surya телеарнасына сілтеме жасап ТАСС хабарлайды .
Телеарнаның ақпараты бойынша, содырлар бұл адамдарды Эль-Маедин қаласынан ұрлап әкетіп, олар үшін төлем алуға тырысқан. Тұтқындар, ИМ (Қазақстан Республикасында тыйым салынған ұйым) содырлары жасырылған Сирия шөліндегі Эт-Табни оазисінде ұсталған.
Наурыз айында Сирия армиясының бөлімшелері Дейр-эз-Зор және Хомс провинцияларында Евфраттың шығыс жағалауынан күрд күштері бақылауындағы аудандардан өтіп жатқан лаңкестерге қарсы бірнеше операция өткізді. «Аль-Ахбар» газетінің хабарлауынша, «Ислам мемлекетінің» бандалары жергілікті тұрңындарға шабуыл жасап, азық-түлік, мал мен ақшаны алып кетеді. Олар көбінесе төлем алу үшін өздерімен бірге адамдарды әкетеді.
Сонымен қатар, лаңкестер әскери көлік колонналары жүретін Пальмира мен Дейр-эз-Зор арасындағы тас жолға тосқауыл қояды.