АҚТАУ, 09 сәуір. Күдіктілер 2 сәуір күні жүргізілген жедел құрықтау операциясы кезінде қолға түскен, деп хабарлайды 24.kz.

«Тойота» маркалы машина салонын тінту кезінде 4 келі марихуана табылып, тәркіленді. Әлгі адамдар аса ірі көлемдегі есірткі затын сақтап, облыс көлемінде жеткізумен шұғылданған жергілікті тұрғындар болып шықты. Осылайша, аймаққа марихуана тасымалдау каналының жолы кесілді. Аталған дерек бойынша қылмыстық іс қозғалып, тергеу амалдары жалғасып жатыр.

«Сотқа дейінгі тергеу амалдары күдіктілердің қолына есірткі затының қандай жолмен түскенін анықтау бойынша жүріп жатыр. Белгілісі, олар пайда көру мақсатында есірткі затын сақтап, оларды тасымалдаумен айналысқан. Күдіктілерге сот шешімімен 3-тен 7 жылға дейін бас бостандығынан айыру жазасы қолданылуы мүмкін», — деп облыстық ПД есірткі бизнесіне қарсы күрес басқармасының басшысы Әмір Досқалиев мәлімдеді.